FAQ

Nao ein ongekende DEFCOEN.1, kos DEFCOEN.2 eigenlijk neet oetblieve. Op ein nuuj festival locatie ligge weer de fundering veur de toekomst. Hiej kin DEFCOEN oetgreuje tot ein van de grotere namen op de festival agenda.

Te voot of mit de fiets
't Mekkelijkste is natuurlijk esse te voot of mit de fiets kums. Navigeer in diene Meps nao Lin. Einmaol in Lin hoofse allein nog mer op geheur wiejer te reize en vinjse DEFCOEN.2 vanzelf

Mit de auto
Natuurlijk is d'r auch unne BOB neudig, fijn desse mit de auto kums. Veur dich geldt 'tzelfde es de voetganger of fietser: navigeer nao Lin en doot de rest op geheur. Henjig is waal om de raemkes aope te dreije, zodra se in Lin aankums.
Moch dit noe ech neet lukke, navigeer den mer nao de Nuuj Mert 10 in Lin. Parkeren kinse door veur Fit&Fysio.

Mit de bus
Auch dit jaor kinse weer gebroek maken van de pendelbussen tussen station Remunj en station Echt. Mit dank aan oze troewe sponsor Arriva! Kiek veur 't actuele reissjema van dees busse op 9292.nl en sjtap oet biej de halt "Nuuj Mert"

Wó se op festivals wie Lowlands, Pinkpop of Defqon.1 tegenwoordig al gauw €3,50 toet €4 betaals veur ein pis-lauw plastic baekerke pils, hanteert DEFCOEN.2 gelukkig nog dörpse prieze. Veur sjlechts €2,50 hubs doe al ein vers getapt glaeske beer!

Wie erg we dien enthousiasme auch waarderen det se wils blieve sjlaope om de volgende daag mit op te ruume, kinse helaas neet op 't festivalterrein blieve sjlaope. Uiteraard is 't waal meugelijk om biej ein van de talloze recreatie adressen oet de buurt te euvernachten. Hiejveur raoje veer uch aan ins te kieke op hoevelinnerveld.nl